طبعا من زمان ما سمعتو اخر اخبار عن البنات: ادخلو وشوفو مين احسن

مقارنة
البنت الناعمة
طبعا هذه البنت وهى نايمة في غرفتها الدبدوب والارنوب كلهم في أحضانها وإذا قامت من النوم
ما تقوم إلا الساعة وحدة الظهر واللي تقعدها من النوم الشغالة وطبعا تكلمها بالانجليزي بترجم
لكم شنو قالت لها الخدامة 00 تقول قومي ما ما وقت واجد تأخير 00 والناعمة أول ما تصحى
من النوم تفتح الستارة والشباك علشان الغرفة تتنفس وشغلت موسيقى رومانسية علشان
يكون الجو رايق وتأخذ حمام محترم وبعد ما تطلع من الحمام على المراية تحط من هالكريمات
والصبغ 00 لازم تحافظ على البشرة 00 خلصت من المراية وتتجه الآن إلى الاستشوار
وبعدين تلبس البنطلون الجينز والبلوزة 00 وتنزل تأكل الفطور اللي يكون عبارة عن دونات
وعصير برتقال
البنت الدفشة :
تقوم الساعة 8 الصبح وهى ما ودها تقوم وتدخل أمها عليها بالغرفة وتصرخ عليها قومي
شبعتى نوم ترد الدفشة على أمها 00 زين زين الحين بقعد 00 وتقعد تأفففففففف ويطلع من
فمها نار 00 بالإضافة إلى انها وهى نايمة كل دقيقة تطيح من على السرير 00 وبعدين يدخل
أخوها الصغير ويصرخ 00 وجع 00 يالله كفاية نوم 00 ترد علية : اطلع من الغرفة وإلا
أرميك من الشباك الحين 00 المهم أخوها اللي اكبر منها يروح لها الغرفة يرفسها وبعد تلك
الرفسة العنيفة 00 تصحى من النوم
نرجع إلى البنت الناعمة
ما تتغدا إلا الساعة 4 ولا 5 ولا تتغدى إلا على عيش ابيض مسلوق
وسلطة تحافظ على رشاقتها 0
اما البنت الدفشة
تتغدا الساعة 12 بالضبط ولا تغدا إلا كبسة ولحم او دجاج وإذ خلصت تشرب البيبسي شربة
واحدة يعنى ما فى مجال أنها تتنفس 00 وما تسمع إلا اصوات مخيفه 0
البنت الناعمة:
طلعتها تكون من بعد صلاة المغرب ما تطلع العصر تحافظ على البشرة من ضوء الشمس
البنت الدفشة
تطلع الساعة 2 القايلة تروح مشى لبيت أخوالها لحد ما تنقلب تكرونيه 0
البنت الناعمة:
تروح ستار بكس أو اى كافية وقبل لا تطلع تمر على الصالون تحط هذاك الميك الاب 0
البنت الدفشة
تحط كحل يملا العين والروج تقول ما كله إنسان وإذا بتروح تروح السوق ولا سوق الحراج 0
البنت الناعمة:
إذا تبى تضحك تقول ( هههههههههه) ويدها على فمها من الخجل والضحكة من الصعب انك تسمعها
البنت الدفشة
ها هاع هاع هعععععا 00 والجيران يسموعها 0
البنت الناعمة:
اذا تحب تسمع اغانى ما تسمع عربي ما تسمع الا غربي ريكي مارتن طبعا لانة حلو وممثلها المفضل
توم كروز لوسامته وميل جبسون وجيم كاري لخفة دمهم 0
أما البنت الدفشة
ممثلها المفضل بو هلال وعبد الناصر درويش ومطربها المفضل خالد الملا ومزعل فرحان 0
البنت الناعمة:
لما تتفرج على التلفزيون تقعد على الكرسي وتحط رجل على رجل وتبتسم لان الابتسامة تضفى بشاشة على الوجه
البنت الدفشة
تنسدح على الأرض وتحط رأسها على المخدة وتمد رجلها وتحطها على التلفزيون
واذا تبي تغير القناه دقت التلفزيون باصبع رجلها وغيرت القناه
البنت الناعمة:
إذا تبى تحلم أحلام اليقظة طلعت في حديقة بيتهم وقعدت على الكرسي هزاز وقام الكرسي
يروح ويرجع 0
البنت الدفشة
تروح بالحوش وتمد السجادة اللي فيها خمسة وثلاثين لون احمر واسود وابيض وجابت كاسة
ستة متر متروسة شاي 0
البنت الناعمة:
في نهاية هالموضوع تقولكم 00 تشاو 00 أو سى يو 00 أو بايباى
اما الدفشة
في نهاية الموضوع تقولكم 00 ها هاع هاع هعععععا 00 تبون شئ


والله تعبت على الموضوع
ابي ردودكم بنات من اي نوع انتم :) :o

شكرا
على الموضوع الرائع متلك يا قمر

تقبلي مروري؟

متقبله مرروركم بنات يا احلى بنات

عوافي على الطرح ي الغلااا

يسلمو ع الموضوع الرائـع

ابداع × ابداع

ننتظر جديدك

تقبلي مرووري

موووووووووووووووووضوع راااااائع

ابداع ْ ابداع

البنت الدفشة
تنسدح على الأرض وتحط رأسها على المخدة وتمد رجلها وتحطها على التلفزيون
واذا تبي تغير القناه دقت التلفزيون باصبع رجلها وغيرت القناه

مممثلي هعع

تسلميلي ي روحي

تسلمي قلبو

ههههههههههههههههههههههههههه

انا البنت الدفشششة

موضوع في قمة الروعهـ


يعطيكـِ ألف عافيهـ يا حلوهـ


دمتِ بحفظ الرحمن ورعايتهه